என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "சென்னை ஐகோர்ட்டு"
சென்னையை சேர்ந்த அரசுப்பள்ளி ஆசிரியர் சாந்தகுமார், சென்னை ஐகோர்ட்டில் தாக்கல் செய்த மனுவில், “பாராளுமன்ற தேர்தல் மற்றும் சட்டமன்ற இடைத்தேர்தல் பணியில் 6 லட்சம் அரசு ஊழியர்கள் ஈடுபட்டனர். ஆசிரியர்கள், அரசு ஊழியர்கள் அரசின் மீது அதிருப்தியில் உள்ளதால், ஆளும் கட்சிக்கு ஓட்டுப்போட மாட்டார்கள் என்பதற்காக 1¼ லட்சம் ஊழியர்கள் தபால் மூலம் ஓட்டுபோடுவதற்கான படிவங்கள் வழங்கப்படவில்லை. எனவே, விடுபட்ட அரசு ஊழியர்கள், ஆசிரியர்களுக்கு தபால் மூலம் ஓட்டுபோட அனுமதிக்கும்படி தேர்தல் கமிஷனுக்கு உத்தரவிட வேண்டும்” என்று கூறியிருந்தார்.
இந்த வழக்கு நீதிபதிகள் சி.வி.கார்த்திகேயன், கிருஷ்ணன் ராமசாமி ஆகியோர் முன்பு நேற்று விசாரணைக்கு வந்தது. அப்போது, தேர்தல் கமிஷன் தரப்பில் தாக்கல் செய்யப்பட்ட அறிக்கையில், “தேர்தல் பணியில் 4 லட்சத்து 35 ஆயிரத்து 3 அரசு ஊழியர்கள் ஈடுபட்டனர். அவர்கள் அனைவருக்கும் படிவம் வழங்கப்பட்டன. இதில் 4 லட்சத்து 10 ஆயிரம் பேர் மட்டுமே பூர்த்தி செய்யப்பட்ட படிவங்களை சமர்ப்பித்தனர். 3 லட்சத்து 97 ஆயிரத்து 391 பேரின் வாக்குகள் கணக்கில் எடுத்துக்கொள்ளப்பட்டுள்ளன. 12 ஆயிரத்து 915 பேரின் வாக்குகள் நிராகரிக்கப்பட்டன” என்று கூறப்பட்டு இருந்தது.
இதையடுத்து நீதிபதிகள், “அரசு ஊழியர்களின் தபால் ஓட்டு தொடர்பான அனைத்து விவரங்களையும் தேர்தல் கமிஷன் 2 நாட்களுக்குள் இணையதளத்தில் பதிவேற்றம் செய்ய வேண்டும். இந்த வழக்கை தள்ளுபடி செய்கிறோம்” என்று உத்தரவிட்டனர்.
இவ்வழக்கு இன்று மீண்டும் விசாரணைக்கு வந்தது. அப்போது, தீபக் தரப்பில் ஆஜரான வழக்கறிஞர், ஜெயலலிதாவின் சொத்துக்களை நிர்வகிக்கும் உரிமை தனது கட்சிக்காரருக்கே இருப்பதாக கூறினார். அதிமுக உறுப்பினர்கள் தாக்கல் செய்த மனுவை நிராகரிக்க வேண்டும் என்றும் அவர் கேட்டுக்கொண்டார்.
அதன்பின்னர், வருமான வரித்துறை சார்பில் ஒரு அறிக்கை தாக்கல் செய்யப்பட்டது. வேறு ஒரு வழக்கில் ஜனவரி 24ல் தாக்கல் செய்த அதே அறிக்கையை, இந்த வழக்கிலும் தாக்கல் செய்தது. அதில், ஜெயலலிதா செல்வ வரி ரூ.10.12 கோடியும், வருமான வரி ரூ.6.62 கோடி பாக்கிவைத்திருப்பதாக கூறப்பட்டுள்ளது.
இதையடுத்து இவ்வழக்கின் இறுதிக்கட்ட விசாரணை ஜூன் 6-ம் தேதி தொடங்கும் என நீதிபதிகள் தெரிவித்து வழக்கை ஒத்திவைத்தனர். #JayalalithaaAssets
ராமநாதபுரம் கீழச்சிறுபோது கிராமத்தைச் சேர்ந்த அப்துல்லா சேட், சென்னை ஐகோர்ட்டின் மதுரை கிளையில் தாக்கல் செய்த மனுவில் கூறியிருந்ததாவது:-
தமிழகத்தில் வருகிற 18-ந்தேதி பாராளுமன்ற தேர்தல் நடக்க உள்ளது. இந்த தேர்தலை சட்டப்படியும், நியாயமான முறையிலும் நடத்தும் வகையில் பறக்கும் படை, சிறப்பு குழுக்களை ஒவ்வொரு தொகுதிக்கும் தனித்தனியாக தேர்தல் கமிஷன் அமைத்துள்ளது. தி.மு.க. மாநில மகளிர் அணி செயலாளர் கனிமொழி தூத்துக்குடி தொகுதியில் போட்டியிடுகிறார்.
பிரசார கூட்டம் உள்ளிட்ட பல்வேறு இடங்களில் அவருக்காக, தி.மு.க.வினர் வாக்காளர்களுக்கு பணப்பட்டுவாடா செய்கிறார்கள். கடந்த மாதம் 27-ந்தேதி வேப்பலோடை கிராமத்தில் கனிமொழிக்கு ஆரத்தி எடுத்த வாக்காளர்களுக்கு பணம் வழங்கப்பட்டது. இது தொடர்பாக கனிமொழி மீது வழக்குப்பதிவு செய்யப்பட்டுள்ளது.
இதேபோல், வேலூர் தொகுதியில் போட்டியிடும் தி.மு.க. வேட்பாளர் கதிர்ஆனந்த் சார்பிலும் வாக்காளர்களுக்கு பணம் வினியோகம் செய்யப்படுகிறது. கதிர் ஆனந்த் வீடு, அவரது ஆதரவாளர்களின் வீடுகளில் வருமான வரித்துறையினர் நடத்திய சோதனையில் கோடிக்கணக்கான ரூபாய் கைப்பற்றப்பட்டது. இதுதொடர்பாக கதிர் ஆனந்த், அவரது ஆதரவாளர்கள் மீது போலீசார் வழக்குப்பதிவு செய்துள்ளனர்.
இந்த வழக்கை இன்று விசாரித்த சென்னை ஐகோர்ட்டின் மதுரை கிளையின் தேர்தல் தொடர்பான வழக்குகளை விசாரிக்கும் அமர்வு இம்மனுவை தள்ளுபடி செய்வதாக அறிவித்து விட்டது. #MadrasHC #MadrasHCdismissed #baningcandidature #Kanimozhi #KathirAnand #LSpolls
கோவை மாநகராட்சிக்கு உட்பட்ட எஸ் ஆர் பி அம்மணி அம்மாள் மகளிர் மேல்நிலைப்பள்ளி தலைமை ஆசிரியர் ரங்கநாதனை, 2 கிலோ மீட்டர் தூரத்தில் உள்ள செல்வபுரம் மாநகராட்சி மேல்நிலை பள்ளிக்கு இடமாற்றம் செய்து மாநகராட்சி ஆணையர் கடந்த 2017-ம் ஆண்டு ஜூலை மாதம் உத்தரவு பிறப்பித்தார்.
இந்த உத்தரவை ரத்து செய்யக்கோரி தாக்கல் செய்த வழக்கை நீதிபதி எஸ் எம் சுப்பிரமணியம் விசாரித்தார். ஆர்.எஸ்.புரம் பள்ளிக்கு மாற்றம் கோரி மல்லிகா என்ற தலைமை ஆசிரியை அளித்த கோரிக்கையை ஏற்று, அப்பள்ளி தலைமை ஆசிரியர் ரங்கநாதன் இடமாற்றம் செய்யப்பட்டது தெரிய வந்தது.
இருப்பினும், 2 கி.மீ. துரத்தில் உள்ள பள்ளிக்கு இடமாற்றம் செய்ததால் அவருக்கு எந்த பாதிப்பும் இல்லை என கூறி ரங்கநாதனின் மனுவை தள்ளுபடி செய்து நீதிபதி உத்தரவிட்டார்.
அரசிடம் நியாயமான ஊதியம் பெறும் ஆசிரியர்கள், பணலாபத்திற்காக தனியாக டியூசன் எடுக்கிறார்கள். இது விதிமுறைகளுக்கு முரணானது. இது போல் தனியாக டியூசன் எடுக்கும் ஆசிரியர்களை கண்காணித்து, விதிகளை பின்பற்றி கடும் நடவடிக்கை எடுக்க அரசுக்கு நீதிபதி உத்தரவிட்டார்.
ஆசிரியர்கள் அரசை மிரட்ட, போராட்டங்களில் ஈடுபடுகின்றனர் என வேதனை தெரிவித்த நீதிபதி இளைய சமுதாயத்திற்கு பாதிப்பை ஏற்படுத்தும் இந்த ஆசிரியர்களின் மீது கருணை காட்டாமல் அரசு நடவடிக்கை எடுக்க வேண்டும் என வலியுறுத்தினார்.
பள்ளி, கல்லூரி, மற்றும் பல்கலைக்கழகங்களில், சமீப காலமாக ஒழுங்கின்மை, சட்ட விரோத நடவடிக்கைகள், பாலியல் வன்கொடுமைகள் அதிகரித்து வருவதை சுட்டிக் காட்டிய நீதிபதி, இது தொடர்பாக புகார் அளிக்க கட்டணமில்லா தொலைப்பேசி எண்ணை 8 வாரங்களுக்குள் அறிமுகப்படுத்த வேண்டும் என பள்ளிக்கல்வி துறைக்கு உத்தரவிட்டுள்ளார்.
இந்த தொலைப்பேசி எண்ணை அனைத்து கல்வி நிறுவனங்களின் அறிவிப்பு பலகையில் இடம்பெற செய்ய வேண்டும். புகார் கிடைத்த 24 மணி நேரத்தில் நடவடிக்கை எடுக்க வேண்டும் என உத்தரவிட்டுள்ளார்.
தனியாக டியூசன் நடத்தும் ஆசிரியர்களுக்கு எதிராகவும் அந்த இலவச தொலைப்பேசி எண்களில் புகார் அளிக்கலாம் என்று நீதிபதி குறிப்பிட்டார்.
அந்த ஆசிரியர்களுக்கு எதிராக ஒழுங்கு நடவடிக்கை எடுக்கப்படும் என அனைத்து பள்ளிகளுக்கும் கல்லூரிகளுக்கும் சுற்றிக்கை அனுப்ப உத்தரவிட்டார்.
மேலும், தலைமை ஆசிரியர் ரங்கநாதன் மற்றும் தலைமை ஆசிரியர் மல்லிகா ஆகியோர் அவர்கள் பணி புரியும் பள்ளி வளாகத்தில் 50 மரக்கன்றுகளை நட வேண்டும்.
மரம் நட்டது தொடர்பாக கோவை மாநகர ஆணையரிடம் அறிக்கை அளிக்க வேண்டும் என்றும் நீதிபதி உத்தரவிட்டார். #ChennaiHighCourt
தேர்தலில் வாக்காளர்களுக்கு பணம் மற்றும் இலவசங்கள் கொடுப்பதை தடுக்க கோர்ட்டு உரிய நடவடிக்கை எடுக்க வலியுறுத்தி சென்னை ஐகோர்ட்டில் பொது நல வழக்கு தொடரப்பட்டு இருந்தது.
இந்த வழக்கு நீதிபதிகள் மணிகுமார், சுப்பிரமணியன் பிரசாத் முன்னிலையில் விசாரணைக்கு வந்தது. அப்போது மத்திய தேர்தல் கமிஷன் வக்கீல் நிரஞ்சன் ராஜகோபாலன் ஆஜராகி விளக்கம் அளித்தார்.
2009-ம் ஆண்டு தேர்தலில் இருந்தே தமிழ்நாட்டில் தேர்தல் நேரத்தில் அதிக அளவில் வன்முறை கலவரங்கள் நடந்து வருகின்றன.
மேலும் அந்த காலக்கட்டத்தில் இருந்து ஓட்டுக்கு பணம் கொடுக்கும் மோசமான நிலைமை உள்ளது. இது தேர்தல் காலத்தில் பெரும் பிரச்சினையாக இருக்கிறது.
இதை தடுப்பதற்கு தேர்தல் கமிஷன் பல்வேறு நடவடிக்கைகளை எடுத்து வருகிறது. பறக்கும் படையினர் பல இடங்களில் சோதனை நடத்துகிறார்கள். செலவின கண்காணிப்பு அதிகாரிகளும் தொடர்ந்து கண்காணிக்கிறார்கள்.
மேலும் இது சம்பந்தமாக மக்களிடம் விழிப்புணர்வு பிரசாரங்கள் மேற்கொள்ளப்பட்டு வருகின்றன.
இவ்வாறு அவர் கூறினார்.
இதற்கு நீதிபதிகள் தேர்தல் நேரத்தில் மட்டும் இவ்வாறு ஊழல் தடுப்பு நடவடிக்கைகளை மேற்கொள்ளக்கூடாது. இதை தொடர் நடவடிக்கையாக செய்ய வேண்டும் என்று கூறினார்கள்.
அதற்கு பதில் அளித்த தேர்தல் கமிஷன் வக்கீல் ‘‘எங்கள் பாதையில் இந்த பணிகளை செய்வதற்கு போதிய ஆட்கள் பலம் இல்லாமல் வருவதால், வருமானவரித்துறை, போலீஸ்துறை ஆகியவற்றை நம்பித்தான் இருக்க வேண்டியது உள்ளது.
மேலும் தேர்தல் முடிந்ததும் எங்களுக்கான அதிகாரம் குறைக்கப்படுகிறது என்று கூறினார்.
மேலும் இன்னொரு பொதுநல மனு தொடர்பாக விளக்கம் அளித்த நீதிபதி ராஜகோபாலன் ‘‘பிளாஸ்டிக் பொருட்களை பிரசாரத்துக்கு பயன்படுத்துவது, பிளக்ஸ் போர்டுகள் பயன்படுத்துவது போன்றவற்றுக்கு ஏற்கனவே தடை விதிக்கப்பட்டுள்ளது. மேலும் இதை தடுக்க பல சட்ட விதிமுறைகளும் உள்ளது’ என்று கூறினார். #ChennaiHighCourt
சென்னை:
சென்னை, வடபழனியில் சட்டவிரோதமாக கட்டப்பட்ட கட்டிடத்தில் கடந்த 2017ம் ஆண்டு தீ விபத்து ஏற்பட்டது. இதில் 4 பேர் பலியானார்கள்.
இதுகுறித்து டிராபிக் ராமசாமி தொடர்ந்த வழக்கை விசாரித்த சென்னை ஐகோர்ட்டு, தீ விபத்துக்கு உள்ளான கட்டிடத்தை இடிக்கவும், நடவடிக்கை எடுக்காத அதிகாரிகள் மீது நடவடிக்கை எடுக்கவும் உத்தரவிட்டது.
ஆனாலும் கட்டிடம் இடிக்கப்பட வில்லை. இதையடுத்து சென்னை மாநகராட்சி நிர்வாகத்துக்கு ஐகோர்ட்டு கண்டனம் தெரிவித்தது. தீ விபத்துக்குள்ளான சட்டவிரோத கட்டிடத்தை இடிக்க உத்தரவிட்டது. இந்த உத்தரவை தொடர்ந்து அதிகாரிகள் நடவடிக்கை எடுத்தனர்.
இந்த நடவடிக்கை குறித்த அறிக்கையை இன்று ஐகோர்ட்டில் தாக்கல் செய்தனர். அந்த அறிக்கையை படித்து பார்த்த நீதிபதிகள் வினீத் கோத்தாரி, அனிதா சுமந்த் ஆகியோர் மாநகராட்சி ஆணையருக்கு கடும் கண்டனம் தெரிவித்தனர். ‘20 ஆண்டுகளாக சட்டவிரோத கட்டிடத்துக்கு சொத்து வரி வசூலிக்கப்பட்டுள்ளது. அந்த மொத்த தொகையையும், தீவிபத்தில் பலியானவர்களின் குடும்பத்தினருக்கு வழங்க வேண்டும்.
அதுமட்டுமல்ல, தவறு செய்த அதிகாரிகள் மீது எடுக்கப்பட்டுள்ள நடவடிக்கையும் திருப்திகரமாக இல்லை. அந்த அதிகாரிகளுக்கு எதிராக குற்றச்சாட்டை விசாரித்த விசாரணை அதிகாரியின் பெயர் கூட அறிக்கையில் இல்லை’ என்று கூறி நீதிபதிகள் விசாரணையை வருகிற 24-ந்தேதிக்கு தள்ளி வைத்தனர்.
அன்று மாநகராட்சி ஆணையர் கார்த்திகேயன் ஆஜராகத் தேவையில்லை என்றும் கூறினர். #chennaihighcourt #VadapalaniAppartmentfire
சென்னை ஐகோர்ட்டில் மொத்தம் 75 நீதிபதி பணியிடங்கள் உள்ளன. இதில், 59 நீதிபதிகள் மட்டுமே தற்போது பணியில் உள்ளனர்.
இந்த நிலையில் மதுரை ஐகோர்ட்டு கிளையில் தமிழக அரசின் கூடுதல் அட்வகேட் ஜெனரலாக பணியாற்றி வரும் பி.புகழேந்தியை சென்னை ஐகோர்ட்டு நீதிபதியாக நியமித்து மத்திய அரசு நேற்று உத்தரவு பிறப்பித்துள்ளது.
ஐகோர்ட்டு நீதிபதியாக நியமிக்கப்பட்டுள்ள புகழேந்திக்கு வயது 51. இவரது சொந்த ஊர் விருதுநகர் மாவட்டம் மேல ஆமாத்தூர் ஆகும். தற்போது, மதுரை நாராயணபுரம் விஸ்வசாந்தி நகரில் வசித்து வருகிறார்.
இவரது தந்தை பாலகிருஷ்ணன், கடலூர் மாவட்டம் விருத்தாசலத்தில் வருவாய்துறையில் பணியாற்றி தாசில்தாராக பதவி உயர்வு பெற்று ஓய்வுபெற்று விட்டார்.
இதன் காரணமாக ஒன்றாம் வகுப்பு முதல் பிளஸ்-2 வரை விருத்தாசலத்தில் உள்ள அரசு மேல்நிலைப்பள்ளியில் புகழேந்தி படித்தார். இவரது தாயார் பெயர் வேலம்மாள். மனைவி பெயர் ஜெயபாரதி. இவர், மதுரையில் உள்ள கூட்டுறவு தணிக்கை துறையில் உதவி இயக்குனராக பணியாற்றி வருகிறார்.
புகழேந்தி, 1990-ம் ஆண்டு புதுச்சேரி அரசு சட்டக்கல்லூரியில் சட்டப்படிப்பை முடித்தார். அதே ஆண்டில் வக்கீலாக பதிவு செய்த அவர், 1993-ம் ஆண்டு வரை கோவில்பட்டி மாஜிஸ்திரேட்டு கோர்ட்டில் தனது சித்தப்பா பரமசிவத்திடம் ஜூனியராக இருந்தார்.
அதன்பின்னர், சென்னை ஐகோர்ட்டில் வக்கீலாக இருந்து நீதிபதியாக பதவி உயர்வு பெற்று ஓய்வு பெற்ற ராஜேஸ்வரனிடம் ஜூனியராக சேர்ந்து பணியாற்றினார்.
சென்னை ஐகோர்ட்டில் தமிழ்நாடு மின்சார வாரியம், அன்னை தெரசா பல்கலைக்கழகம், திருச்சியில் உள்ள தேசிய சட்டக்கல்லூரி, தமிழ்நாடு கல்வியியல் பல்கலைக்கழகம், தமிழ்நாடு அரசு போக்குவரத்துக்கழகம், பஞ்சாப் நேஷனல் வங்கி, அலகாபாத் வங்கி ஆகியவற்றின் வக்கீலாக பணியாற்றி உள்ளார். மதுரை ஐகோர்ட்டு கிளை வக்கீல் சங்க (எம்.பி.எச்.ஏ.ஏ.) செயலாளராக இருந்துள்ளார். பல்வேறு முக்கிய கிரிமினல் வழக்குகளிலும், ரிட் மற்றும் வங்கி தொடர்பான வழக்குகளிலும் ஆஜராகி வாதாடி உள்ளார்.
மதுரை ஐகோர்ட்டு கிளையில் சிறப்பு அரசு வக்கீலாக பணியாற்றினார். அந்த காலகட்டத்தில் தமிழக அரசுக்காக ஐகோர்ட்டு, சுப்ரீம் கோர்ட்டில் கிரானைட் முறைகேடு தொடர்பான வழக்குகளில் ஆஜராகி உள்ளார். 2.8.2016 முதல் மதுரை ஐகோர்ட்டு கிளையில் கூடுதல் அட்வகேட் ஜெனரலாக பணியாற்றி வருகிறார்.
இவர் விரைவில் பதவியேற்க உள்ளார். இதன்மூலம் சென்னை ஐகோர்ட்டு நீதிபதிகளின் எண்ணிக்கை 60 ஆக உயர்ந்துள்ளது. #Pugalendhi #ChennaiHighCourt #ChiefJustice
ஐகோர்ட்டு நீதிபதிகள் 3 பேரை வெவ்வேறு மாநிலங்களுக்கு பணியிட மாற்றம் செய்து மத்திய சட்ட அமைச்சகம் நேற்று அறிவிக்கை வெளியிட்டது.
அதன்படி கர்நாடக ஐகோர்ட்டில் நீதிபதியாக பணியாற்றி வரும் வினீத் கோத்தாரி சென்னை ஐகோர்ட்டுக்கு மாற்றப்பட்டார்.
இதேபோல் காஷ்மீர் ஐகோர்ட்டு நீதிபதி அலோக் அராதே கர்நாடக ஐகோர்ட்டு நீதிபதியாக நியமிக்கப்பட்டார். மேலும் பஞ்சாப் மற்றும் அரியானா மாநில ஐகோர்ட்டு நீதிபதி ராஜேஷ் பிந்தால், காஷ்மீர் மாநில ஐகோர்ட்டுக்கு பணியிட மாறுதல் செய்யப்பட்டார்.
சென்னையில் உள்ள தனியார் பள்ளியில் தலைமை ஆசிரியராக பணியாற்றி ஓய்வுப் பெற்றவர் கீ.த.பச்சையப்பன்(வயது 85). இவர், சென்னை ஐகோர்ட்டு வளாகத்தில் உள்ள உரிமையியல் நீதிமன்றத்தில் தொடரப்பட்ட ஒரு சிவில் வழக்கு விசாரணைக்கு ஆஜராக இன்று வந்தார்.
மாடியில் உள்ள கோர்ட்டுக்கு செல்ல நடைபடியில் நடந்து சென்றார். அவருடன் அவரது மகனும் உடன் சென்றார். அப்போது திடீரென பச்சையப்பனுக்கு மாரடைப்பு ஏற்பட்டது. அவர் மயங்கி விழுந்தார். பின்னர் அங்கேயே அவரது உயிர் பிரிந்தது. இதையடுத்து அவரது உடலை ஆம்புலன்ஸ் வாகனத்தில், அவரது மகன் தூக்கிச் சென்றார். #tamilnews
சென்னை:
போலீசாருடன் வாக்குவாதம் செய்த எச்.ராஜா மீது நடவடிக்கை எடுக்கக்கோரி காங்கிரஸ் பெண் வக்கீல் சுதா, டி.ஜி.பி.க்கு புகார் மனு அனுப்பியுள்ளார். அந்த மனுவில் அவர் கூறி இருப்பதாவது:-
நான் சென்னை ஐகோர்ட் டில் 19 ஆண்டுகளாக பணியாற்றி வருகிறேன். சென்னை ஐகோர்ட்டு வழக்கறிஞர்கள் சங்கத் துணைத் தலைவராகவும் அகில இந்திய மகளிர் காங்கிரசின் தேசிய செயற்குழு உறுப்பினராகவும் இருக்கிறேன். நேற்று நான் ‘வாட்ஸ்அப்’ல் வைரலாக பரவிய, எச்.ராஜா போலீசாருடன் தகாத வார்த்தைகளால் பேசும் காட்சிகளைப் பார்த்தேன்.
திருமயம் போலீசார் சென்னை ஐகோர்ட்டு அறி வுறுத்தலின் பேரில்தான் எச்.ராஜாவை தடுத்து நிறுத்தினார்கள். உடனே எச்.ராஜா தனது நிதானத்தை இழந்து விட்டார். அப்போது அவர் போலீஸ் அதிகாரிகளை மிரட்டும் தொனியில் பேசிய தோடு, சென்னை ஐகோர்ட்டு பற்றியும் தகாத மற்றும் அசிங்கமான வார்த்தைகளால் பேசியுள்ளார்.
அவரது ஆவேச பேச்சு வீடியோ காட்சிகளை இத்துடன் இணைத்துள்ளேன்.
எச்.ராஜா நடுரோட்டில் மேடை அமைக்க முற்பட்ட சமயத்திலும், ஊர்வலத்தைத் தொடர்ந்து நடத்த முயன்ற போதும், அவரிடம் போலீசார் சென்று ஐகோர்ட்டு விதித்துள்ள கட்டுப்பாடுகள் பற்றி எடுத்துக் கூறினார்கள். உடனே எச்.ராஜா போலீசாரை எச்சரிக்கும் வகையில் சத்தமிட்டு பேசினார். மீண்டும் அவரிடம் போலீசார் ஐகோர்ட்டு உத்தரவை தெரிவித்தனர்.
உடனே எச்.ராஜா ஐகோர்ட்டை மிக, மிக தரக்குறைவாக ஒரு வார்த்தையைப் பயன்படுத்தி பேசினார். போலீஸ்காரர்கள் இந்துக்களை சித்ரவதை செய்வதாக கூறினார். அதற்கு அங்கிருந்த போலீஸ் அதிகாரி, நாங்கள் அப்படி எதுவும் செய்யவில்லை என்றார்.
உடனே எச்.ராஜா, “டி.ஜி.பி. வீட்டில் சோதனை நடந்ததற்காக நீங்கள் வெட்கப்பட வேண்டும்” என்றார். பிறகு “இந்துக்கள் ஒன்றும் ஆதரவற்றவர்கள் அல்ல” என்று சத்தமிட்டார். ஒரு கட்டத்தில் அவர் ஒரு போலீஸ் அதிகாரியை பார்த்து, “நீங்கள் இந்துக்களுக்கு எதிராக செயல்படுகிறீர்கள். சர்ச் பாதர் சொல்வதை கேட்டு அதன்படி செயல்படுகிறீர்கள்” என்றார்.
புழல் சிறையில் இருந்து டி.வி.க்கள் பறிமுதல் செய்யப்பட்டன என்ற அவர், தமிழ்நாட்டின் ஒட்டு மொத்த காவல்துறையிலும் ஊழல் மயமாகி விட்டதாக குற்றம் சாட்டினார்.
அப்போது போலீசார் அவரிடம், நீங்களே இப்படி பேசலாமா? என்றனர். உடனே எச்.ராஜா மீண்டும் ஆவேசமானார். ஏன் மேடை அமைக்க அனுமதி கொடுக்கவில்லை என்று குரலை உயர்த்தினார்.
உடனே ஒரு போலீஸ் அதிகாரி அவரிடம், ஐகோர்ட்டு உத்தரவை சுட்டிக் காட்டினார். அதற்கு எச்.ராஜா மீண்டும் சென்னை ஐகோர்ட்டை ஒரு தகாத வார்த்தை கூறி குறிப்பிட்டார்.
எச்.ராஜாவின் பேச்சு போலீசாரை அச்சுறுத்தும் வகையில் மட்டுமின்றி, ஐகோர்ட்டை அவமதித்தது போன்றதோடு மட்டுமின்றி அந்த பகுதியில் கலவரத்தை தூண்டிவிடும் வகையில் இருந்தது. மேலும் அந்த பகுதியில் மத அடிப்படையில் இரு பிரிவினரிடம் பகையை ஏற்படுத்தும் வகையில் அமைந்திருந்தது. அமைதிக்கு பங்கம் ஏற்படுத்துவதாக காணப்பட்டது.
தேச ஒற்றுமைக்கு எதிராக அவரது பேச்சு அமைந்து இருந்தது. அதோடு காவல் துறையினரை அவர் பணியாற்ற விடாமல் தடுத்துள்ளார். ஒட்டு மொத்த போலீசாரையும் விமர்சித்த அவர் ஐகோர்ட்டையும் தரம் தாழ்ந்து பேசியுள்ளார்.
எனவே எனது இந்த புகாரை பதிவு செய்து எச். ராஜா மீது உரிய நடவடிக்கை எடுக்க கேட்டுக்கொள்கிறேன்.
இவ்வாறு அந்த மனுவில் வக்கீல் சுதா கூறியுள்ளார். இதன் நகலை புதுக்கோட்டை மாவட்ட போலீஸ் சூப்பிரண்டுக்கும் அனுப்பி உள்ளார். #hraja #congress
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
